പ്രവാസകാണ്ഡം

പ്രകൃതിയുടെ മിശ്രണം ടാറ്റയുടെ പാക്കിങ്ങ്

2010-10-14T18:15:00.000+04:00

ഞാനൂണ്ട് ഈ ഓണത്തിന്

2010-08-20T16:26:00.000+04:00

Rust in Peace

2010-08-13T09:51:00.000+04:00

വെക്കേഷൻ

2010-07-12T09:31:00.002+04:00

A Short Story on Monsoon

2010-06-16T08:11:00.005+04:00

അവൈലബിള്‍ പി ബി

2010-05-29T09:08:00.002+04:00

ഒരു മൊബൈല്‍ ചിത്രം

The Diver

2010-05-15T10:23:00.001+04:00

അമ്മേയ് വെള്ളം ചൂടായോ..?

2010-02-17T11:49:00.001+04:00

പനി

2010-01-26T09:21:00.004+04:00

ഒളിച്ചേ കണ്ടേ

2010-01-02T09:08:00.002+04:00

പ്രതീക്ഷകളുടെ പുതുവര്‍ഷപ്പുലരി

മുന്നോട്ട്..

2009-12-29T09:07:00.002+04:00

പുതുവര്‍ഷത്തിലേക്ക് പ്രതീക്ഷയോടെ..

എല്ലാ ബൂലോകസുഹൃത്തുക്കള്‍ക്കും നന്മയും സമാധാനവും നിറഞ്ഞ പുതുവത്സരം നേരുന്നു

ഡിസം‌ബര്‍

2009-12-06T08:40:00.001+04:00

കോടമഞ്ഞിന്‍റെ കുളിരും നുകര്‍ന്ന്..

പച്ചപ്പിന്‍റെ ചില കൈവഴികള്‍

2009-11-24T08:47:00.002+04:00

ഡുഫായില്‍ ഒരു അസ്തമയം!

2009-11-12T09:30:00.003+04:00

"യൂ നോ, അസ്തമയം കാണാനായി കടാപ്പുറത്ത് പോയി കുത്തിയിരിക്കേണ്ട കാര്യം ഞങ്ങള്‍ ഡുഫായിക്കാര്‍ക്കില്ല. We just don't like it"

ദുബായ് അല്‍‌ഐന്‍ റോഡിലുള്ള ഒരു പെട്രോള്‍ പമ്പ്. (കണ്ടാ കണ്ടാ ഞങ്ങള്‍ ഡുഫായിക്കാരും പെട്രോളുമായുള്ള ബന്ധം കണ്ടാ!)

...തട്ട്...

2009-10-20T10:19:00.003+04:00

മൂന്നാര്‍ യാത്രക്കിടയിലൊരു തട്ട്

അടിമാലി ടൗണ്‍. മൂന്നാറിലേക്കുള്ള യാത്രക്കിടയില്‍ മീശയുള്ള കുട്ടികള്‍ക്ക് സിപ്പപ്പ് വാങ്ങാനാണ് വണ്ടികള്‍ നിര്‍ത്തിയത്. കെട്ടിയവന്മാരുടെ കണ്ണ് തെറ്റിയ തക്കത്തിന് തട്ടുകട അറ്റാക്ക് ചെയ്ത പെണ്‍പട്ടാളം "ലൈറ്റ്" ആയി കപ്പ ബിരിയാണി തട്ടുന്ന ഹൃദയഭേദകമായ തട്ടുകടക്കാഴ്ചയാണ് ചിത്രത്തില്‍.

തല്ലുകൊള്ളി!

2009-09-19T08:31:00.001+04:00

പ്രവാസം

2009-09-14T22:43:00.002+04:00

ഈ കാഴ്ച്ചകള്‍ കണ്ടാണ് ദിനവും ഞങ്ങള്‍ ക്യാമ്പുകളിലേക്ക് മടങ്ങുന്നത്
ഈ ഉയരങ്ങള്‍ ഞങ്ങളെ മോഹിപ്പിക്കാറില്ല,
അസ്ഥി ഉരുകുന്ന ചൂടില്‍ അവ പണിതുയര്‍ത്തിയത് ഞങ്ങളാണ്.
ഈ ദീപക്കാഴ്ച്ചകള്‍ ഞങ്ങളെ ഭ്രമിപ്പിക്കാറില്ല,
അത്യുഗ്രമായ സൂര്യതേജസ്സില്‍ ഞങ്ങളുടെ കണ്ണുകളിലെ പ്രഭ വറ്റിയിരിക്കുന്നു.
ആ ജാലകങ്ങളുടെ മറുപുറത്തുള്ള കുഞ്ഞുവീടുകള്‍..
അതാണ് ഞങ്ങളുടെ സ്വപ്നം.. ദുഖവും.

ബി.എസ്.എഫ്

2009-09-08T00:05:00.006+04:00

ബോര്‍‌ഡര്‍ സെക്യൂരിറ്റി ഫോര്‍സ്,

ലോകത്തിന്‍റെ അതിരില്‍..

ഓണക്കാലമല്ലേ!

2009-09-03T07:19:00.003+04:00

ഓണക്കാലായിട്ട് മരുന്നിന് പോലും ഒരു പൂവില്ലാതെ എന്തൂട്ട് ഫോട്ടോബ്ലോഗ്! ട്യൂബ്‌ലൈറ്റ് കത്തിവന്നപ്പോഴേക്കും ഓണം കഴിഞ്ഞു. എങ്കിലും കെടക്കട്ടെ ഒരെണ്ണം.

ഇത് എന്തര് പൂവോ എന്തൊ!?

ഒരു വെടിക്കുള്ള കോട

2009-08-22T01:47:00.005+04:00

ഈയിടെയായി കോടമഞ്ഞിന്‍റെ ഉല്‍സവകാലമാണ് ഫോട്ടോബ്ലോഗുകളില്‍. അപ്പൊപ്പിന്നെ മ്മള് മോശാക്കാന്‍ പാടുണ്ടോ! ഒരു വെടിക്കുള്ള കോട എന്‍റേലുള്ളത് പോസ്റ്റുന്നു.

പ്രചോദനമായ ചില "കോട" പടങ്ങള്‍ ദാ കണ്ടു നോക്കൂ

ഹരീഷ് തൊടുപുഴയുടെ കോട
സപ്തവര്‍‌ണ്ണങ്ങളുടെ കോട
മിക്കിയുടെ കോട

ചില പഴങ്കഥകള്‍

2009-08-10T07:36:00.003+04:00

കഥകളേറെയുണ്ട്..

കാല‍ത്തിന്‍റെ ഏണിപ്പടികള്‍ ചൊല്ലിത്തന്നവ..

മോചനം..

2009-08-01T12:49:00.003+04:00

ട്രോളിങ്ങ് നിരോധനത്തിന്‍റെ ശാസ്ത്രീയതയും പ്രസക്തിയും ഇന്നും തര്‍ക്കവിഷയം. നീണ്ട നാല്പ്പത്തേഴ് ദിനങ്ങളുടെ വറുതിക്കൊടുവില്‍ കടലമ്മയുടെ കാരുണ്യവും തേടി വീണ്ടും..

ചെറായിപ്പാച്ചില്‍

2009-07-25T20:17:00.005+04:00

ഈ മണ്‍സൂണില്‍ സകലമാന ബ്ലോഗര്‍മാരും ചെറായിലേക്കുള്ള പാച്ചിലിലാണ്. ഈയുള്ളവനും കഴിഞ്ഞ 21 വരെ നാട്ടിലുണ്ടായിരുന്നു. മീറ്റില്‍ പങ്കെടുക്കാനായി ലീവ് എക്സ്റ്റന്‍റ് ചെയ്യാന്‍ ഒരു ശ്രമം നടത്തുകയും ചെയ്തു. ബോസിനെ വിളിച്ച് കാര്യം പറഞ്ഞപ്പോള്‍ "ബ്ലോഗ് വേണോ ജോലി വേണോ" എന്ന് ഉടന്‍ തീരുമാനിച്ചറിയിക്കാനുള്ള ഉപദേശം കിട്ടി. ഇത്തരം ഭീഷണികള്‍ക്ക് വഴങ്ങുന്ന ഭീരുക്കളല്ലല്ലോ നമ്മള്‍ ബ്ലോഗര്‍മാര്‍. അതുകൊണ്ട് നേരത്തെ തീരുമാനിച്ചതിലും ഒരു ദിനം മുന്‍‌പേ ദുബായില്‍ തിരിച്ചെത്തി ജോലിയില്‍ പ്രവേശിച്ച് അടുത്ത ബോണസും പ്രതീക്ഷിച്ചിരിപ്പാണിപ്പോള്‍.

ചെറായിയില്‍ ഒത്തുചേരുന്ന എല്ലാ സുഹൃത്തുക്കള്‍ക്കും എന്‍റെ ആശംസകള്‍ നേരുന്നു.

ഗോവധനിരോധനം ഒരു cow's eye view

2009-06-09T09:09:00.003+04:00

ഗുജറാത്തെങ്കില്‍ ഗുജറാത്ത്.. തടി കയിച്ചിലാക്കണോങ്കി ബേഗം നടന്നോ ബീവാത്തൂ.

ഗുണ്ടാപ്പിരിവ്, ഡുബായ് സ്റ്റൈല്‍

2009-06-02T07:46:00.005+04:00

ഗുണ്ടാപ്പിരിവോ ഗുരുദക്ഷിണയോ !

വാഴക്കോടന്‍ കീ ജയ്. ജസീറ തുലയട്ടെ

2009-05-17T14:02:00.002+04:00

ക്ഷമിക്കണം. എഴുത്തു പരീക്ഷണങ്ങള്‍ മറ്റൊരു ബ്ലോഗിലേക്ക് മാറ്റുന്നു. ഇതേലേക്ക് ഞെക്കിപ്പിടിച്ചാല്‍ "വാഴക്കോടന്‍ കീ ജയ്. ജസീറ തുലയട്ടെ" വായിക്കാം.

ചുമരുകളോട് കലഹിച്ച്..

2009-05-04T23:22:00.004+04:00

ഇതോ ആ നീലജലാശയം??

തെരുവു പക്ഷികള്‍ / Birds on the roads

2009-04-13T21:10:00.003+04:00

In our dreams of home
we see birds in the paddies.
In the dawns of Dubai
we see birds on the roads

ഹെന്‍റമ്മച്ചീ! ഒരു നാലു വരി തെകക്കാന്‍ പെട്ട പാട്..
ഇങ്ഗ്ലീഷില്‍ ഫുള്‍ പേജ് കവിത എഴുതുന്ന സാമദ്രോഹികളേയൊന്നും വെച്ചേക്കരുത്. ചുമ്മാ നെരത്തി നിര്‍ത്തി പോയിന്‍റ് ബ്ലാങ്കില്‍ തട്ടിയേക്കണം. ഹല്ല പിന്നെ!

എല്ലാര്‍ക്കും വിഷു ദിനാശംസകള്‍

സോണിയ ഗാന്ധി ഉരുകിത്തീര്‍‍ന്നപ്പോള്‍..!

2009-04-09T11:19:00.008+04:00

ഇന്നത്തെ (09/04/2009) മാതൃഭൂമി വാര്‍ത്ത കാണുക.

ഹൊ! ഫയങ്കരം! ഒരു ദേശീയ നേതാവിനെ ഇങ്ങനെയും പീഡിപ്പിക്കാമോ. രാഷ്ട്രത്തിലെ സകല മാക്രി പോക്രി മനുഷ്യക്കോലങ്ങളേയും കഴുകനും ചെന്നായക്കും കൊടുക്കാതെ സം‌രക്ഷിച്ചും സമയാസമയങ്ങളില്‍ ഫീഡിങ്സും ടച്ചിങ്സും തരപ്പെടുത്തിക്കൊടുത്തും കഷ്ടപ്പെട്ടു ഭരിക്കുന്ന ദേശനേതാക്കളെ വേണ്ട രീതിയില്‍ കൈകാര്യം ചെയ്യാന്‍ എന്നാണു നമ്മള്‍ പഠിക്കുക? നമ്മുടെ നേതാക്കളുടെ മനസ്സു മാത്രമല്ല ശരീരവും വെണ്ണ പോലെയാണെന്ന് അറിയാവുന്നതല്ലേ. 24 മണിക്കൂറും ശീതീകരിച്ചു സൂക്ഷിക്കേണ്ട വിശേഷ സൃഷ്ടി! ഒരു ഗ്രാം വെണ്ണയെങ്കിലും ഉരുകിയൊലിച്ചാല്‍, ചെറുതായൊരു ഇളക്കമോ ചളുക്കോ പറ്റിയാല്‍ ദേശീയ നഷ്ടമാകും. അങ്ങനെയുള്ള ഒരു മുതലിനാണ് 45 മിനിറ്റ് "സമീപമുള്ള എന്‍.സി.സി. ഓഫീസിന്റെ സാധാരണ മുറിയില്‍ കനത്ത മീനച്ചൂടില്‍" കഴിച്ചു കൂട്ടേണ്ടി വന്നത്.

ഈ വാര്‍ത്ത റിപ്പോര്‍ട്ട് ചെയ്തവനും പ്രസിദ്ധീകരിച്ചവനും നല്ല നമസ്ക്കാരം. രാവിലെ എഴുന്നേറ്റ് കണ്ണാടിയില്‍ നോക്കി "ഞാന്‍ അടിമയാണ്" എന്ന് നൂറ്റൊന്നുരുവിട്ടുറപ്പിച്ച് തൂലികയുമെടുത്തിറങ്ങുന്നവന്‍ പടച്ചുവിടുന്ന അക്ഷരങ്ങളോരോന്നും അടിമത്ത ബോധത്തിന്റെ വിളംബര പത്രങ്ങളാകുന്നു. എന്താണ് ഈ വാര്‍ത്തയുടെ പ്രസക്തി? സോണിയയുടെ കാര്യപരിപാടികളില്‍ മുന്‍‌കൂട്ടി നിശ്ചയിച്ചതിനു വിരുദ്ധമായി എന്തെങ്കിലും മാറ്റമുണ്ടായതായി വാര്‍ത്ത പറയുന്നില്ല. രാജ്യത്തെ 95 ശതമാനമെങ്കിലും പ്രജകള്‍ക്കും അപ്രാപ്യമായതും ഒരിക്കലും അനുഭവിച്ചിട്ടില്ലാത്തതുമായ ശീതീകരണ യന്ത്രത്തിന്റെ കുളിര്, 45 മിനിറ്റ് നേരത്തേക്ക് സോണിയക്കു നഷ്മായതിലാണ് പത്രത്തിന് നെഞ്ചെരിച്ചില്‍. പിന്നെ ഭക്ഷണത്തിന്റെ കാര്യം. മാഡത്തിനെ പട്ടിണിക്കിടാന്‍ വേണ്ടി സുരക്ഷാ സൈനികര്‍ അതിഭയങ്കര ഗൂഡാലോചന നടത്തി എന്നാണോ വായനക്കാര്‍ മനസ്സിലാക്കേണ്ടത്? "ങീ.. ഇക്ക് ബിക്കറ്റ് വേണം.." എന്ന് ചിണുങ്ങിക്കരഞ്ഞ് കമാണ്ടോകളുടെ പിന്നാലെ ചുറ്റിത്തിരിയുന്ന മാഡത്തിന്റെ ഒരു ക്ലോസപ്പ് ഫോട്ടോ കൂടെ ചേര്‍ക്കേണ്ടിയിരുന്നു.

മറ്റൊരു വാചകം നോക്കൂ.

"ഒപ്പമുണ്ടായിരുന്ന രമേശ്‌ ചെന്നിത്തല, ഉമ്മന്‍ചാണ്ടി എന്നിവര്‍ ഒന്നും ചെയ്യാനാകാതെ എന്‍.സി.സി. ഓഫീസില്‍ തന്നെ ചെലവഴിച്ചു."

അല്പം കൂടി മസാല ആകാമായിരുന്നു.

"ഉമ്മന്‍ ചാണ്ടി വികാരവിക്ഷോഭത്തോടെ വരാന്തയില്‍ ഉലാത്തി", "ചെന്നിത്തല ഭിത്തിയില്‍ മുഖമമര്‍ത്തി വിതുമ്പി" എന്നും കൂടി വേണ്ടിയിരുന്നു.

മഗ്സാസെ അവാര്‍ഡ് കൊടുക്കേണ്ട മാധ്യമ പ്രവര്‍ത്തനം!

കൈവിട്ടു പോയത്..

2009-04-02T19:43:00.003+04:00

കൈവിട്ടുപോയ നിറങ്ങള്‍

ഹാരിസിന്റെ കവിതക്കായി ഒരു വിഷ്വല്‍

2009-03-04T22:03:00.011+04:00

ഒട്ടൊന്നമ്പരന്നുവോ ഹൃത്തടം,
ഉദ്ദൃതമാം ശിരസല്പം താണുവോ,
സ്വയം മറന്നൊരുവേള
മുഗ്ധലീനനായ് നിന്നുവോ,
നിറച്ചമയമാര്‍ന്നൊരീ
ഉത്സവക്കാഴ്ച്ചയില്‍...!

നഷ്ട്ടസാരള്യ വസന്തസ്മൃതികള്‍,
പൂത്തുലയുമ്പൊഴേ
പട്ട് പോയ മുളങ്കാടുകള്‍,
പാടാനാവാതെ പോയ
സ്നേഹഗീതങ്ങളാം
കൊഴിഞ്ഞ പൂവുകള്‍,
ആത്മാവിന്റെ ആദിമമായ ഏകാന്തത,
ആഴത്തിലുള്ള ദുഖാനുഭവങ്ങള്‍.

ഉരുകിയൊലിച്ചേ പോകും
മനുഷ്യാഹങ്കാരങ്ങള്‍,
തകര്‍ന്നു മറഞ്ഞ സംസ്കൃതികള്‍,
അടിമകളായ് പിറന്നു മരിച്ച പൂര്‍വ്വികര്‍,
ഇന്നലെപ്പെറ്റകുഞ്ഞിനും
വിലയിട്ടു വിറ്റ വണിയ്ക്കുകള്‍,
വര്‍ത്തകപ്രമാണിമാര്‍,
ദൈവാവതാരങ്ങള്‍,
അശ്വമേധങ്ങള്‍, ആര്‍ത്തനാദങ്ങള്‍,
ചോര ചാലിച്ച കൊടിക്കൂറകള്‍,
വംശാഹങ്കാരങ്ങള്‍ ഊതിയണച്ച
ഗോത്രച്ചിരാതുകള്‍,
കബന്ധനിബിഡമാം പുണ്ണ്യനദികള്‍,
മരണം വിതച്ചെത്തും ആകാശപക്ഷികള്‍.

ഒക്കെയും മറന്നിവിടെ
ഒട്ടു നില്‍ക്കട്ടെയേകനായ്,
പുല്‍ക്കൊടിത്തുമ്പിനു പോലും
പൂര്‍ണ്ണതയേകിയ
പ്രപഞ്ചപ്രണയസാരസ്യമേ,
എന്നും നിന്നിലേയ്ക്കേ മടങ്ങുന്നു
മനുഷ്യന്‍, നിനയ്ക്കു വന്ദനം.

ഹാരിസിന്റെ കവിത

ലവന്റെ പടം മുയ്മനോടെ താഴെ

ആദിദ്രാവിഡന്‍

___________________

ഹാരിസിനോട് ആവശ്യപ്പെട്ടത് ചിത്രത്തോട് കൂട്ടി വെയ്ക്കാന്‍ ചില വരികള്‍.
കിട്ടിയപ്പോള്‍ ബോദ്ധ്യമായത് ചിത്രത്തേക്കാള്‍ മിഴിവ് കവിതക്കെന്ന്.

കുട്ടിപ്പൂട്ടുകള്‍/Child Locks

2009-02-23T20:47:00.009+04:00

മുന്നൂറോ നാനൂറോ (അത്രയും ഉണ്ടാകും അല്ലേ) ചതുരശ്ര അടി മാത്രം വലിപ്പമുള്ള ഫ്ലാറ്റ്. അതില്‍ കുട്ടികള്‍ക്കായി വിലക്കുകളുടെ ഒരു സാഗരം. എന്നെ "ദുഷ്ടാ" എന്നു വിളിക്കാന്‍ വരട്ടെ.

പൂട്ടില്ലാത്ത വാഷിങ് മെഷീന്‍ മുതല്‍ ഗാസ് സ്റ്റൗ വരെയുള്ള സാമഗ്രികളില്‍ വിനാശകരമായ പര്യവേഷണങ്ങളാണ്. നമ്മുടെ ബാബു മാഷ് ഇവിടെ എനിക്കുള്ള മറുപടി കമന്റില്‍ പറഞ്ഞ പോലെ കുട്ടികളെ വളര്‍ത്താനാണ് ഞങ്ങളുടെ ശ്രമവും ആഗ്രഹവും. പക്ഷെ ചുരുങ്ങിയത് ഒരു ഡസന്‍ "No" എങ്കിലും പറഞ്ഞതിനു ശേഷമേ ഒരു "Yes" പറയാന്‍ അവസരം കിട്ടാറുള്ളു.

വെളിച്ചം ദുഃഖമാണുണ്ണീ..

2009-02-05T05:12:00.007+04:00

സ്വപ്നഭവനം

2009-01-19T07:52:00.001+04:00

Echo friendly houses for sale.
കാറ്റുള്ളപ്പോള്‍ ആട്ടം ഫ്രീ.

(ഒഫല്ലാത്ത ഒരു ടോ. ഈ ലാളിത്യം ഒരു മാതൃകയാണ്. പ്രകൃതിയെ നോക്കി പുഞ്ചിരിക്കട്ടെ നമ്മുടെ വീടുകള്‍.)

വരും വരാതിരിക്കില്ല..

2009-01-12T22:54:00.005+04:00

ബന്ധുര കാഞ്ചന കൂട്ടിലാണെങ്കിലും...

2009-01-07T12:42:00.006+04:00

അതിജീവനത്തിന്റെ അനിവാര്യതയെന്നു ന്യായം
ഒറ്റമുറി ഫ്ലാറ്റിലെ ബാല്യങ്ങളുടെ നഷ്ടം
അവര്‍ക്ക് അറിയാക്കണക്കെന്നൊരാശ്വാസവും
നെഞ്ചേറ്റി തോളേറ്റി കടം പറയാം..

ജനറേഷന്‍ ഗ്യാപ്

2008-12-22T07:07:00.003+04:00

പര്‍ദ്ദയണിഞ്ഞ മരങ്ങള്‍

2008-12-18T09:51:00.005+04:00

നിനച്ചിരിക്കാതെ അനാവൃതരാക്കപ്പെട്ടതിലുള്ള ലജ്ജയാലാകണം ഈ വേഷം..

സ്ഥലം തൊടുപുഴ. മുവാറ്റുപുഴ വാലി ഇറിഗേഷന്‍ പ്രൊജെക്ടിന്റെ ഭാഗമായി രൂപം കൊണ്ട ജലാശയമാണിത്. ഇന്ന് മലയാളം സിനിമാ പ്രവര്‍ത്തകരുടെ ഇഷ്ട ലൊകേഷന്‍. എണ്പതുകളുടെ അവസാനം ഇവിടെ നിര്‍മ്മിച്ച, സംവിധായകന്‍ ജേസിയുടെ സിനിമാ ജീവിതം തന്നെ തകര്‍ത്തു തരിപ്പണമാക്കിയ "പുറപ്പാട്" എന്ന സിനിമയുടെ പരാജയത്തിനു ശേഷം സിനിമാക്കാര്‍ ഇവിടെക്കു വരാന്‍ ഭയപ്പെട്ടിരുന്നു. ഒടുവില്‍ സാക്ഷാല്‍ വിനയന്‍ സാറിന്റെ സൂപ്പര്‍ ഹിറ്റ് "വാസന്തിയും ലക്ഷ്മിയും.. " ആണ് ഭയപ്പാടകറ്റിയത്. ഇപ്പോള്‍ വര്‍ഷത്തില്‍ എല്ലാ ദിവസവും ഒരു സിനിമാ യൂണിറ്റെങ്കിലും ഇവിടെയുണ്ട്.

വയ്യാവേലി

2008-11-24T13:02:00.010+04:00

മരുഭൂമിക്കു ഞാന്‍ വേലികെട്ടി..
അമ്പട ഞാനേ!!

മതമില്ലെങ്കില്‍ ജീവന്‍ പോകുന്നതാരുടെ??

2008-11-19T13:26:00.005+04:00

അതെ, പാഠപുസ്തക വിവാദത്തെപ്പറ്റിത്തന്നെ.ചില വൈകിയ ചിന്തകള്‍. ആറിത്തണുത്ത വിഷയമാണെങ്കിലും നമ്മുടെ കിണറ്റിനു പുറത്തു ജീവിക്കുന്ന ചില തവളകളെക്കുറിച്ചു വായിച്ചറിഞ്ഞപ്പോള്‍ ചിലതു കുറിക്കണമെന്നു തോന്നി.
ലോകരാജ്യങ്ങളിലെ സമാധാനനിലവരം താരതമ്യം ചെയ്യുന്നതിലേക്കായി ആഗോളതലത്തില്‍ തയ്യാറാക്കപ്പെടുന്ന പട്ടികയായ Global Peace Index ന്റെ പ്രഥമ പഠനമനുസരിച്ച് 2007 ലെ ഏറ്റവും സമാധാനപൂര്‍ണമായ രാജ്യം നോര്‍വേ ആണ്. ഈ രാജ്യത്തെക്കുറിച്ച് ശ്രദ്ധയില്‍പെട്ട കൌതുകകരമായി തോന്നിയേക്കാവുന്ന ചില വസ്തുതകളാണ് ഈ പോസ്റ്റിലേക്കു നയിച്ചത്. ഇവിടെ 83% നോര്‍വീജിയന്മാരും church of Norway ല്‍ പേരുചേര്‍ക്കപ്പെട്ടിട്ടുള്ളവരാണ്. മറ്റു ക്രിസ്ത്യന്‍ സഭാ വിശ്വാസികള്‍ എല്ലാംകൂടി 4.5%. ഏറ്റവും പ്രബലമായ ക്രൈസ്തവേതര മതസമൂഹം ഇസ്ലാമാണ്. 1.5%. ഇവയൊന്നും കൂടാതെ ബുദ്ധ, ഹിന്ദു, ജൂദ തുടങ്ങിയ ചെറുമതസമൂഹങ്ങള്‍ വേറെയുമുണ്ട്‌. 1970 കളില്‍ പാക്കിസ്ഥാനില്‍നിന്നും കുടിയേറിയ തൊഴിലാളികള്‍ ഭൂരിപക്ഷമായ ഇസ്ലാം മതവിശ്വാസികള്‍ക്ക് പ്രാര്‍ഥനക്കു ബാങ്ക് മുഴക്കാനുള്ള അവകാശം (പള്ളിമണികള്‍ക്ക് ബാധകമായ നിയമത്തിന്റെ പരിധിയില്‍) അടുത്തകാലത്ത്‌ അനുവദിക്കപ്പെട്ടപ്പോള്‍ അധികൃതര്‍ വേറൊരു കിരാത നടപടി കൂടി സ്വീകരിച്ചു. Norwegian Heathen Society എന്ന യുക്തിവാദ സംഘടനക്ക് "ദൈവം നിലനില്‍ക്കുന്നില്ല " എന്ന് മൈക്ക് കെട്ടി വിളിച്ചു പറയാനുള്ള അവകാശം അനുവദിച്ചുകൊടുത്തു !!. യുക്തിവാദികള്‍ എങ്ങനെ ഈ പണി പറ്റിച്ചു എന്നറിയണമെങ്കില്‍ മറ്റൊരു കണക്കു കൂടി കാണണം. കുറെ ദശകങ്ങളായി യൂറോപ്യന്‍ കമ്മിഷന്റെ നേതൃത്വത്തില്‍ "eurobarometer" എന്നൊരു അഭിപ്രായ സര്‍വേ യൂറോപ്യന്‍ യുണിയന്‍ അംഗരാജ്യങ്ങള്ക്കിടയില്‍ നടന്നുവരുന്നുണ്ട്. നോര്‍വെയില്‍ 2005 ലെ കണക്കു പ്രകാരം ദൈവത്തില്‍ വിശ്വസിക്കുന്നു എന്ന് പ്രതികരിച്ചവര്‍ 32% മാത്രം. ജീവനെ നിലനിര്‍ത്തുന്ന എന്തോ ഒരു ശക്തി ഉണ്ടായിരിക്കാമെന്ന് 47% പേര്‍ കരുതുന്നു. ഇനിയൊരു 17% ഒരു ദൈവത്തിലും വിശ്വസിക്കാത്ത, നരകത്തിലേക്ക് ടിക്കറ്റെടുത്തിരിക്കുന്ന മഹാപാപികളാണ്. "പള്ളിക്കാര്യം പള്ളീപ്പറഞ്ഞാമതി" (Separetion of Church and State) എന്ന മുദ്രാവാക്യവുമായി നടക്കുന്ന മുടിഞ്ഞ പുത്രന്മാരുടെ സംഘടനയായ Norwegian Humanist Association ലോകത്തിലെതന്നെ ഏറ്റവും പ്രബലമായ മതേതര humanist കൂട്ടായ്മകളിലൊന്നാണ്. അവിശ്വാസികളുടെ കണക്കെടുത്താല്‍ പല യൂറോപ്യന്‍ രാജ്യങ്ങളിലേയും സ്ഥിതി വ്യത്യസ്തമല്ല എന്നു കാണാന്‍ കഴിയും. സ്വീഡനില്‍ 47% നിരീശ്വരവാദികളാണെന്ന് അടുത്തിടെ ഒരു കണക്കു കണ്ടു. അതായതു ആളുകള്‍ ചത്താല്‍ കുഴിച്ചിടാനുള്ള സൗകര്യം കൂടി സര്‍ക്കാര്‍ ചെയ്തു കൊടുത്താല്‍ നഷ്ടപരിഹാര വിതരണമേള പോപ്പിനു തുടരേണ്ടിവരില്ല എന്നര്‍ത്ഥം. ഇതൊക്കെയായിട്ടും ഇവിടങ്ങളില്‍ സമാധാനം തകരുന്നില്ല എന്നതാണ് ഭയങ്കരം. ബോംബും വടിവാളും തൃശ്ശൂലവുമില്ലാതെ സുഖിച്ചു കഴിയുന്നു കശ്മലന്മാര്‍. ഇവനൊക്കെ വേണ്ടി നരകത്തില്‍ വറചട്ടി ചൂടായിക്കൊണ്ടിരിക്കുകയാണ്.

കേരളത്തിലേക്കു തിരികെ വരാം. മതമില്ലാത്ത ജീവന്‍ എന്ന പാഠഭാഗത്തിനെതിരെ മതമേലദ്ധ്യക്ഷന്മാര്‍ എന്ന പരാന്നഭോജികള്‍ കാട്ടിക്കൂട്ടിയ പേക്കൂത്തുകള്‍ മറക്കാറായിട്ടില്ല. സ്വന്തം കഞ്ഞിയില്‍ പാറ്റ വീഴുന്ന കാര്യമായതുകൊണ്ട് തമ്മിലടിക്കു time out പ്രഖ്യാപിച്ച് എല്ലാ മതപ്രമാണിമാരും ഒത്തുകൂടിയത് എത്ര ചടുലമായാണ്. ഇവിടെ സ്ഥിരമായി വിസ്മരിക്കപ്പെടുന്ന ശബ്ദമില്ലാത്ത, എന്നാല്‍ ചെറുതല്ലാത്ത ഒരു സമൂഹമുണ്ട്‌. ഒരു ദൈവത്തിലും വിശ്വസിക്കാത്തവര്‍, അജ്ഞാതമായ ഏതോ ഒരു ശക്തി ഉണ്ടായിരിക്കാമെന്നും അതിനെ ഉപാസിച്ചിട്ടു കാര്യമൊന്നുമില്ലെന്നും കരുതുന്ന മറ്റു ചിലര്‍, കുടുംബത്തെ സ്നേഹിച്ചും സമൂഹത്തെ ബഹുമാനിച്ചും ജീവിക്കുന്നവനെ സ്വന്തം ദല്ലാളന്മാര്‍ക്ക് കപ്പം കൊടുത്തില്ല എന്നതിന്റെ പേരില്‍ വീടുകയറിത്തല്ലുവാന്മാത്രം ചെറുതല്ല ദൈവം എന്ന് വിശ്വസിക്കുന്നവര്‍, മഹാത്മജിയും മദര്‍ തെരേസയും ഒരുമിച്ചില്ലാത്ത സ്വര്‍ഗം തങ്ങള്‍ക്കുവേണ്ട എന്ന് കരുതുന്നവര്‍.... സാങ്കേതികമായി മാത്രം ഏതെങ്കിലും ഒരു മതത്തിന്റെ പരിധിയില്‍ വരുന്ന ഇക്കൂട്ടര്‍ സംഘടിതരല്ലാത്തതുകൊണ്ട് വികാരവുമില്ല വ്രണപ്പെടലുമില്ല. മതപ്രമാണിമാര്ക്കാണെങ്കില്‍ സദാ പഴുത്തളിഞ്ഞ് പുഴുവരിച്ചിരിക്കുന്ന ഒരവയവമാണ് മതവികാരം. ചെറുതായൊന്നു കാറ്റടിച്ചാല്‍പ്പോലും അതു കയറി വ്രണപ്പെട്ടുകളയും!.

ഒരു മനുഷ്യന്‍ നല്ലവനോ കെട്ടവനോ ആകുന്നതിനു ദൈവവിശ്വാസം മാനദണ്ഡമല്ലതന്നെ. Secular Humanists എന്നോ Implicit Atheists എന്നോ വിളിക്കാവുന്നവരാണ് നമ്മുടെ നാട്ടില്‍ വലിയൊരു വിഭാഗവും. എന്ന് മാത്രമല്ല, രാജ്യത്തെ മതസൌഹാര്‍ദ്ദം കാത്തുസൂക്ഷിക്കുന്നതില്‍ ഇവര്‍ക്ക് വളരെ വലിയ പങ്കുമുണ്ട്. ലോകത്ത് എത്രയോ വികസിത രാജ്യങ്ങളില്‍ ഹ്യൂമാനിസ്ടുകള്‍ക്ക് മറ്റു മതങ്ങള്‍ക്കു തുല്യമായ സ്ഥാനം അനുവദിക്കപ്പെട്ടിട്ടുണ്ട് എന്നും അറിയുക. എല്ലാ വിശ്വാസപ്രമാണങ്ങള്‍ക്കും പൂര്‍ണമായ പരസ്പരബഹുമാനത്തോടുകൂടി കഴിഞ്ഞുകൂടാനുള്ള ഇടം ഇല്ലാതാകുന്നത് ഇന്ത്യ പോലൊരു രാജ്യത്തിന്‌ താങ്ങാനാകില്ല. പുരപ്പുറത്തു മൈക്ക് കെട്ടി ദൈവത്തെ വെല്ലുവിളിക്കാനുള്ള അനുവാദം വേണ്ട, മതമില്ലാതെ ജീവിക്കാന്‍ ഭരണഘടന നല്കുന്ന അവകാശത്തെക്കുറിച്ച് നമ്മുടെ കുട്ടികള്‍ അറിഞ്ഞിരിക്കണ്ടേ? എബ്രഹാം ലിങ്കണും ബര്‍ണാട്ഷായും നെപ്പോളിയനും ഐന്സ്റ്റൈനും എഡിസണും നെഹ്രുവും ഭഗത്സിങ്ങും പെരിയാറും മറ്റും മതത്തെക്കുറിച്ചു ചിന്തിച്ചിരുന്നതെന്താണെന്ന് നമ്മുടെ കുട്ടികള്‍ അറിയണ്ടേ. ഇവിടെ ഒരു മതേതരവാദിയും തന്റെ വിശ്വാസത്തിന്റെ പേരില്‍ വടിവാളും ത്രിശ്ശൂലവുമായി തെരുവിലിറങ്ങാറില്ല, റേഷന്‍ വാങ്ങാന്‍ പോകുന്ന പാവപ്പെട്ടവനെ ട്രാഫിക് ഐലന്റില്‍ കയറി നിന്നു "പാപിയേ" എന്നു വിളിക്കാറില്ല, കാവിയുടെ മറവില്‍ ഹോമാകുണ്ഠങ്ങള്‍ക്ക് മുന്നിലിട്ട് അമ്മപെങ്ങന്മാരെ പീഡിപ്പിക്കാറില്ല, സന്യസിനികളെ കടിച്ചുകീറി കിണറ്റിലെറിയാറില്ല, അന്നത്തെ വിയര്‍പ്പിന്റെ വില കൊണ്ട് അരി വാങ്ങാന്‍ ക്യൂ നില്ക്കുന്ന പാവപ്പെട്ടവന്റെ ആസനത്തില്‍ മൊബൈല്‍ ബോംബ് പോട്ടിക്കാറില്ല... . എന്നിട്ടും മതേതര വാദികള്‍ വെറുക്കപ്പെട്ടവര്‍.

പാവപ്പെട്ട വിശ്വാസികളെ തമ്മിലടിപ്പിച്ച് ചോരകുടിച്ചു വീര്‍ത്ത മതമേലധ്യക്ഷന്മാര്‍ ഒരു പരസ്പരസഹായ സഹകരണസംഘമാണ് നിലനിര്‍ത്തിക്കൊണ്ടുപോകുന്നത്. ബിന്‍ ലാദന്റെ ഏറ്റവുമടുത്ത സുഹൃത്ത് നരേന്ദ്രമോദിയല്ലാതെ മറ്റാരാണ്‌ ? തോമ്മനില്ലാതെ ചാണ്ടിയില്ലല്ലോ. പുസ്തകവിവാദത്തില്‍ തോളോടുതോള്‍ നിന്നു പൊരുതിയ ചില വേഷങ്ങളെ പിന്നീടുകണ്ടത്‌ തികച്ചും വ്യതസ്തമായ ഒരു ഫ്രെയ്മിലാണ്. ഒറിസയിലെ ചോരക്കൊതി പൂണ്ട കാവിപ്പിശാചുക്കളുടെ ത്രിശൂലമുനയില്നിന്നും അനങ്ങാത്തടിയും രക്ഷിച്ചെടുത്ത്‌ വനാന്തരങ്ങളില്‍ ഓടിക്കയറിയ പാതിരിമാര്‍ക്ക് കേരളത്തില്‍നിന്നുള്ള പിതാക്കന്മാരുടെ ശുപാര്‍ശക്കത്തുകളൊന്നും രക്ഷക്കുതകിയില്ല. കൊണ്ടാലും പഠിക്കാത്ത ഇക്കൂട്ടര്‍ കേരളത്തില്‍ സമാധാനം കൊണ്ടുവരാനായി നരേന്ദ്രമോഡിക്കു ജയ് വിളിക്കുന്ന പരിവാര കൊട്ടേഷന്‍ ഗുണ്ടാ സംഘങ്ങളുമായി വട്ടമേശസമ്മേളനം നടത്തി. പഴയ സിനിമകളില്‍ കൊള്ളത്തലവന്‍ ജോസ് പ്രകാശിന്റെ നേതൃത്വത്തില്‍ regional ദാദമാര്‍ ബിസിനസ്സ് മീറ്റിങ്ങുകള്‍ക്കായി ഒത്തുചേരുന്നതിനെ അനുസ്മരിപ്പിച്ചു ഇത്. ചോരക്കൊതിയന്മാരായ പരിവാരനേതാക്കളെ മുറ്റത്തുകണ്ടാല്‍ ചൂലെടുത്തടിക്കുന്നവരാണ് നമ്മുടെ നാട്ടിലെ ബഹുഭൂരിപക്ഷം ഹിന്ദുക്കളുമെന്ന് ആര്‍ക്കാണറിയാത്തത്. പരിവാരത്തിന്റെ അക്രമിസംഘങ്ങള്‍ക്ക് സ്വന്തം സമുദായത്തിലില്ലാത്ത അംഗീകാരം സഭയുടെ ചിലവില്‍ ഒപ്പിച്ചുകൊടുക്കുവാനുള്ള ശ്രമമാണ് ഇവിടെക്കണ്ടത്. ഹൈന്ദവനേതാക്കളാണത്രെ.. ത്ഫൂ..

മതമില്ലെങ്കില്‍ ജീവന്‍ പോകുന്ന ഒരു വര്‍ഗമെയുള്ളു. അത് മതം വിറ്റു ജീവിക്കുന്നവര്‍ തന്നെ. സഹിഷ്ണുത എന്നത് വിശാലമായ തലങ്ങളുള്ള എത്ര മനോഹരമായ പദമാണ്. മതമുള്ളവരും ഇല്ലാത്തവരുമൊക്കെ തുല്യ അവകാശങ്ങളോടെ മനുഷ്യരായി ജീവിക്കട്ടെ. ദല്ലാളന്മാരുടെ സഹായമില്ലാതെ നേരിട്ടു ദൈവവുമായി സംവദിക്കാന്‍ പറ്റുന്ന നല്ല നാളെക്കായി വിശ്വാസികള്‍ക്കു പ്രാര്‍ത്ഥിക്കുകയും ചെയ്യാം.